Черри барби

Черри бол Кипринд овгийн барб хэлбэрийн эвсэг хөдөлгөөнтэй загас юм. Олуулаа байхдаа сүрэглэнэ. Эр нь улаавтар өнгөтэй шахах үедээ гүн улаан болдог. Эм нь шардуу биетэй биеийн дунд хэсгээр алтлаг болон бор зураастай, мөнгөлөг гэдэстэй. 5 см хүртэл томорно. Ургамал сайтай, сүүдэрхэг, тогтуун, гүехэн pH 6.0 - 8.0, хатуулаг (dH) of 5.0 - 19.0. температур 73 - 81 °F (23 - 27 °C) байвал тохиромжтой. Үржүүлэх нөхцөлд нэг эрд 2 охин оногдохоор харьцаатай байвал сайн. 200, 300 түрс гаргадаг бөгөөд 2 хоногт амилж, 2 хоногийн дараа сэлж, 5 сарын дараа 1 см урттай болдог. Дунджаар 4 жил насална.

Мөнгөлөг акул

маш сонирхолтой загас
Мөнгөлөг акул
Шинжлэх ухааны нэр: Balantiochellus melanopterus
Овог: Characidae /Characins/.
Ерөнхий нэр: Bala Shark, Tricolor Shark, Shark Minnow
Арчилгаа:Дунд зэрэг
Хэмжээ: Ихдээ 35см
Пш:6.0-7.5
Усны хатуулаг. 5-15 dGH
Дулаан: 22-28°C (72-84F) Ер нь 22 хэмд илүү тааламжтай
Нас: 8-аас 10 жил.
Үүсэл: Sumatra, Thailand, Borneo, Malaysia
Араншин: Догшин биш ба заримдаа жижигхэн загас үмхчнээ бас :D
Үржил: Түрс гаргадаг ба эр эмийг тусгаарлах хэрэгтэй. Их л ховор болдог юм байна даа. Үржлийн талаар нээх онц гойд хэцүү зүйл алга юм шиг байна.
Аквариум хэмжээ: Багадаа 200 литр
Хоол тэжээл:Хавч хэлбэртэн, шавьж, хуурай хоол, ургамал иддэг хааяа даа. Дун г бол хараал шууд дуртай хоол нь юм гэнэ.
Хүйс: Тогтооход бэрх, эм нь эрээсээ нилээн том биетэй.
Эдгээр нь ихэнхи загастай эвсэг байдаг.

Дискус Цихлид

Ерөнхий зүйл

Дискус загас нь өмнөд америк цихлид дундаас хамгийн илбэг байдаг. Дискус цихлидүүдийн арчлахад амарч усны шүүлтүүр хооллолт зэрэгийг тохируулахгүй бол болохгүй.

Дискусын ерөнхий шинж 

Энэ загасны биеийн хэлбэр хавтгай дугариг учир энэ нэрийг авчээ. Өсч томорсоор жижиг тавагархуу болдог.Бусад цихлидийг бодвол дискус маш олон гоё өнгөнд хувирч сайжирсан загас. Оригиналь өнгө нь олив бор. Улаан. цэнхэр ногоон шар зэрэг өнгөтэй загасыг голдуу үржүүлж байна.

Дискусын худалдаа

Бие гүйцсэн дискус нилээд үнэ хүрдэг ба гоёмсог сайн шилэгдмэлүүдийг нь бол зуу гаас хэдэн мянган доллар хүрэх нь ч бий.
 

Дискус хоолоо голох тохиолдол их. Үргэлж худалдаж авахын өмнө ямар тэжээлээр өсгөснийг нь урьдчилж асуудаг.. Хэрвээ та эрүүл чийрэг дискус авах гэж байгаа бол хэдэн цагийн үед ямар хоолоор хооллодгийг нь асуух хэрэгтэй байх нь

Дискусийг хооллолт

Шинэ аквариуманд идээшүүлэх гэж байгаа бол дискусийн хөлдүү мах бол дажгүй сонголт гэдгийг анхаараарай. , Тэднийг бас бусад ургамал ногооны гаралтай хоолнуудаар тэжээх нь зан ааш болон өсөлт хөгжилтөнд нь тустай. Ерөнхийдөө холиод л өгөөд байх нь

Дискусны усны байдал

Дискус амазоны усанд сайн зохицон амьдардаг. Тиймээс тэдэнд боловсорч удсан байгалийндуу усанд байлгавал таатай. Бага хатуулагтай усанд байх чадвартай болж өгвөл 6 ph байлгаад өгөх хэрэгтэй. Бага хатуулагатай ус нь уугуул орчинтой нь илүү тохирдог учир тэдэнд тухтай байна гэсэн үг.Дискус дулаан усанд дуртай богоод Темпэратүр-ийг ни 28°~31°С тааруулна, тэгээд бас байнгийн агааржуулагч хэрэгтэй.Ус нь рН 5,5 - 7,0, а Gн 2° - 10° dH *, t=30°С. байхад зүгээр

Дискусны савны байх байдал

Дискус ер нь тайван бусад загастай нөхөрсөг байхыг эрмэлздэг. Анхааралтай ажвал тэд бараг ямарч усны түвшинтэй байсан сэлэхэд зохицсон . Тэдний биеийн хэлбэр сэлэх чадвар зэрэг нь найман талт нам аквариумд онцгой зохицно

Хээлтэх

Хээлтэх насанд хүрж эцэг эх болоход хэцүүхэн. Шургуу зүтгэж байж цихлитүүд үр төлөө босгодог. Төлөө амилуулсаны дараа бяцхан төлнүүдийг эхээс нь салгаж болохгүй, учир нь эхэд нь түүнийг хооллох тусгай зохилдлогоотой. Болгоомжтой ойртож ажиглавал төл нь эхийнхээ арьсийг идэж буй болох нь тодорхой харагдана. Энэхүү байгалийн хоол нь шинэхэн төлүүдэд сайн тэжээл болдог



Олон төрлийн дискуснуудыг хамтад нь холиод нэг аквариумд хийхэд маш сонирхол татахуйц сайхан харагддаг. 1970 оноос хойш өнгийг нь маш ихээр хольж гаргаж авж чадсан. Өөр өнгөтэй хосууд үржилд ордог боловч төл нь тэдний дундах холигдмол өнгийн өвчиж төрдөггүй. 

Овог - Chichlidae

Хэмжээ - Up to 15 cm

Нутагшил - Өмнөд америк

Ус - 6 - 7ph зөөлөндүү

Хэм - 26-29°C

Тэжээл - Omnivore - Ялтсан ургамалийн, хөлдүү амьд хоол

Үржил - Хэцүү

Төрөлт - Түрс шахдаг

Аквариум - Дискус бусадтай нөхөрсөг эвтэй загас

Аквариумны хэмжээг сонгох

Та эхлээд аквариумаа байрлуулах тохиромжтой байрлалаа сонгох хэрэгтэй. Энэний тулд аквариумны цахилгаан хэрэгсэл залгах боломжтой, нарны шууд тусгал бага тусдаг хэсэг, өрөөны интерьерт нийцүүлэх зэргийг тооцож тохиромжтой байрлалыг сонгож бэлтгэнэ. Дараа нь шууд ойр байх загасны дэлгүүрээс том аквариум янз бүрийн загас ургамал худалдаж аваад байрлуулаад болно гэж бодогдож байж болох юм. Гэхдээ өмнө нь ямар төрлийн загаснууд хоорондоо таарж эвтэй амьдардаг, биеийн хэмжээ, амьдрах боломжтой усны температур, найрлага болон тоо ширхэг нь аквариумд хэд байвал зохих зэргийг тооцож үзсэний дараа худалдан авах хэрэгтэй.

1. Загасны төрөл. Алтан загас шиг том бөгөөд ус ихээр бохирдуулдаг загаснуудад том хэмжээтэй аквариум шаардлагатай. Шалтгаан нь том аквариумд ус амархан бохирдож усны чанар муудан  загас өвчлөх нь бага. Бас усаа байн байн солиод байхгүй, цэвэр байлгахад амар,  химийн найрлага нь огцом муудахгүй зэрэг талуудтай. Мөн загас том аквариумд сайн өсөж томордог. Гүппи шиг идэвхитэй үржилд ордог загаснуудыг амьд зулзгалдаг бусад загастай нь том, ургамал хөвд ихтэй аквариумд сайн хоолосон нөхцөл үржиж олширдог. Алтан загас Гүппи зэрэг намирсан урт сүүлтэй загасыг Барбс гэх мэтийн дээрэлэхчих гээд байдаг загастай цуг байлгавал сүүлийг нь зулгайж гэмтээдэг талтай. Дискус Angelfish шиг үзэсгэлэнтэй дөлгөөн тайван загаснуудыг хөдөлгөөнтэй болхи Aлтан загас гэх мэт загаснуудтай тэжээвэл зохимжгүй.
2.  Загасны хэмжээ. Таны загас хэр их өсөж томорох вэ? Жишээ нь неон гэх зэрэг жижиг загаснууд 2.5 см хүрдэг бол зарим том төрлийн Арована гэх зэрэг загаснууд 1 метр урттай болдог. Бие гүйцэхэд нь тохирох аквариумд нь тэжээх шаардлагатай болно.Тиймээс загасны өсөлт хөгжилтөнд таарах загасанд чөлөөтэй амьдрах нөхцөлийг бүрдүүлэх аквариум сонгож авах нь чухал. Цихлидийн төрлийн том загаснууд жижиг загастай байлгавал барьж идэх аюултай. 
3. Загасны тоо. Энэ тухай яг таг тавьсан нарийн судалгаа байхгүй ч загас тэжээгчдийн хувийн туршлагаар  жишээ нь 1 шоо дорволжинг 30 см аар тооцож 2м урттай 2 хос загасанд 12 шоо дөрвөлжин гэх зэрэгээр нүдэн баримжаагаар тооцож болно. Сүрэглэн амьдардаг загасыг олноор нь  өргөн аквариумд тэжээх хэрэгтэй. Харин хосолж амьдардаг загасыг дангаар нь дунд зэргийн аквариумд тэжээвэл дээр.

Гүппи

Гүппи нь амьд зулзага гаргагч загаснуудын нэг бөгөөд дэлхийд аквариум сонирхогчдийн дунд хамгийн ихээр тархсан загас юм. Гүппи нь халуун бүс нутгийн загаснууд дунд хээлтэхдээ амар, хамгийн бага арчилгаа шаарддаг загас гэж тогтоогдоод байгаа юм. Олон жилийн туршилт явагдсаний эцэст маш олон төрлийн Гуппиг гаргаж авсан. Өсгөж үржүүлэхэд хамгийн амархан загас юу вэ? гэж асуувал ихэнх загасчид маань гуппи гэж хариулах байх. Энэ загасийг жижиг аквариумны дэлгүүрүүдээс эхлүүлээд дэлхийн хамгийн том дэлгүүрээс ч олж болно. 
Энэ загас маш олон төрлийн өнгө зүстэй байдаг нь энэ загасыг гэрийн нөхцөлд ангилж төрөлжүүлж болон шар, улаан, хөх, ногоон, төмөрлөг туяатай гэх мэт олон төрлүүдийг хооронд нь хослуулж хүссэн өнгө зүсийг гаргаж авах боломжтой байдаг. Xовор төрлийн гуппи-г тэжээхэд маш хэцүү, учир нь тэд маш эмзэг байдаг. Яахав тэжээгээд л, xараад л байхад амархан л даа, гэвч цэвэр зулзага авах, сүүлийг нь задлах, гое өнгө гаргаж авах гэх мэт маш хэцүү асуудлууд байдаг. Атуу (эм) нь 6см хүртэл томордог,  том гэдэстэй эрэгтэй загаснаасаа арай урт, ба өнгө муутай сүүл богиновтор байдаг. Атуух (эр) нь 3см хүртэл томордог,  жижиг нарийвтар биетэй ба ихэнхдээ гоёмсог урт дэвүүр мэт сүүлтэй байдаг сэлэм шиг салаалсан гэх мэт тоолж баршгүй олон төрөл байдаг. Хурдан хөдөлгөөнтэй муутай загаснуудтай байлгаж болохгуй учир нь гоёмсог сүүлэнд нь атаархахдаа шоглож гэмтээдэг гэмтэй. энэ загасийг дангаар нь нэг төрлөөр нь тэжээвэл үнхээр гоё харагддаг.
хатуу навчтай ургамал, хурц өнцөгтэй зүйлс хийж болохгуй учир нь сүүлээ гэмтээх аюултай. Ургамлийн талаар гэвэл хатуу навчтай, хурц өнцөгтэй зүйлс хийж болохгуй because сүүлээ гэмтээх аюултай.Температурийн өөрчлөлтөнд их тэвчээртэй, гэвч градус-аа 20-26 °С; gH 25°; pH 6,5 - 8,5, гэхдээ 7,0 байвал маш сайн. Градусын хурц өөрчлөлт эрэгтэй гуппи-ний сэлүүрүүдэд их нөлөөлнө. Усаа 3/1-ээр солиж байвал сайн.. Бас 1 юм дурдахад 10 литр усанд нэг чимх давс сүүлэнд нь их сайн бас Спиртийн хольцтой иод тун бага хэмжээгээр хийвэл тун дажгуй.. Хооллолтын хувьд бүх төрлийн хоол иднэ ялангуя амьд хоолийг амтархан иднэ, гэвч гол анхаарах зүйл гэвэл хоол ихдүүлж болохгүй учир нь хоол ихэдсэнээс болж үржилгээнд орж чадахгүй болно.. Жижиг төлийг өдөрт 3ан удаа хооллоно, эр эм нь ялгагдсан Гуппи-нд өдөрт 2 удаа, үржүүлгэнд орж байгаа Гуппи-нд өдөрт 1 удаа байхад хангалттай.. Гуппи бол амьд зулзагладаг загасний тоонд орно.. Түрс нь эмийн гэдсэнд боловсроно, төрөх үедээ шууд сэлэж эхлэх зулзага гаргана. Гарсан зулзаганд шууд хоол өгнө Артем л сайн даа.. 3-6 сар болоод яг нас бие нь гүйцнэ.. Хэдэн зулзага гаргах нь Төрүүлж буй эм Гуппи-ний чанар, хэмжээнээс шалтгаална 10-аас 150 хүртэлх төл гаргана. Хээлтэй гуппи болон ойролцоо хэдийгээр төрөхийг нь тодорхойлоход амархан Гэдэсний арын хар толбо тодрох тусам төрөх өдөр нь ойртоно.

Аквариумын ач холбогдол

Хаана ч байхгүй өөрийн гэсэн амьд байгалийн уран бүтээлийг бий болгож байгальтай харьцаж танин мэдэх гээчийн ач холбогдол асар их билээ. Одоо цагт харж мэдрэх орчин нөхцөл хязгаарлагдал болсон үед тэрхүү гайхалтай өнгө төрхийг зөвхөн аквариумнаас л мэдрэх боломжтой. Ямарч технологийн ялгаруулах бололцоогүй өнгө бүтэцийг олог төрлийн үзэсгэлэнтэй загас, ургамлуудаас л харах боломжтой. Энэ нь нүдний өнгө ялгах чадварыг дээшлүүлж байгалийн гайхалтай өнгө дүрсний зохицол хүний сэтгэл зүйд эерэг мэдрэмж төрүүлж таашаал авах үр нөлөөтэй.

Мөн бидний ирээдүй болсон бага насны хүүхдүүдэд эрүүл зөв төлөвшил олгож байгалиа хайрлах сэтгэлгээг төрүүлэн цагийг үр бүтээлтээ зөв зарцуулж аливаа зүйлд тэвчээр хатуужилтай хандаж сурахад үлэмж их нөлөөтэй билээ. Мөн зөвхөн аквариумыг гэр, албан тасалгаа гээд хаана ч байрлуулсанаар тухайн орчний өнгө үзэмж интэрьерт дулаан цэвэр сайхан байдлийг бүрэлдүүлэх ба өрөө тасалгааны агаарын чийгшлийг тэнцвэржүүлдэг сайн талтай.

Амьд тэжээл

Амьд тэжээл нь янз бүр байх ба загасыг тэжээхэд чухал нөлөөтэй тэжээл юм.

Амьд тэжээлийг хатаасан тэжээл дээр хооллолтийг сайжруулах зорилгоор нэмэгдэл дээд зэргийн тэжээл болгож хэрэглэдэг. Аквариумны амьд тэжээлээр хооллох нь дунг өвчны үүр болгож загасны хөнөөлт өвчин үүсгэх гол хүчин зүйл болдог. Тиймээс хэрхэн зөв хооллох тухай аргыг хүргэе.

Brine Shrimp Nauplii (Давстай усны сам хорхой) 

Халуун орны загасны хамгийн сайн хоолнуудын нэг бөгөөд шим тэжээл ихтэйгээс гадна өндгийг нь давстай усанд хийж хялбархан амилуулж болдог. Доорхи заавраар өндгийг нь хуурай байдалтай олон сар жил хадгалаад дараа нь загасны зулзганд дээд зэргийн амьд тэжээл болгон амилуулж өгөх боломжтой.
Эхлээд хоосон өргөн амсартай савны 4 ний 3 хүртэл хлоргүйжүүлсэн ус хийж дараа нь хоёр халбага давс хийж таглана. Дараа нь агааржуулагч хэрэглэн булгиулж агааржуулж эхэлнэ. Булгиулж буй устай саваа нарны шууд тусгалгүй газар байрлуулан 25-28 хэмийн дулаан байлгана. Давс ууссан усандаа өндгийг хийх хэрэгтэй. 2 өдрийн дотор хорхой өссөн байх ба  агааржуулагчийг унтраан гар чийдэнгээр дээрээс тусгаж харна. Гэрэлд татагдсан хорхойг нягт загасны шүүлтүүрээр шүүнэ. Бөөгнөрсөн өндөгний хальстай нь хольж зулзагаа хооллож болохгүй ба учир нь зулзаганууд шингээж чадахгүй муу нөлөөтэй. Савласан өндөгийг зарим аквариумны дэлгүүрүүдээс авах боломжтой.

Дафни

Энэ тэжээл нь усанд амьдардаг нэг эст амьтдын нэг ба энэ хоолыг энэ тэнд тогтсон нуур цөөрмөөс шүүж болно. Өсгөхөд маш амархан аквариумын усыг саванд хийж нарны шууд тусгал сайтай газар тавьж усыг нь замагжуулахад дороо үрждэг. Долоо хоног болоод жижиг дафниуд сэлж эхэлэх ба нарийн тороор шүүж загасаа хооллоно.

Бичил Өт
Бичил өтнүүд нь хямд хоолны нэг. Уг тэжээлийн саванд хийж талх бага хэмжээгээр хийн хөрөнгө исгэж үржүүлдэг. Дулаан газар нүхтэй агаарын солилцоо явагдах боломжтой хүнсны хуванцар саванд хийж байлгах ба бага багаар зулзагаа хооллоход тохиромжтой. Саванд хийж хөрөнгөө хийний дараа 2 - 3 өдөр болоход өтнүүд өсч савны хажуугаар ил гарсан байх ба угааж цэвэрлэсэн хутган дээр хурааж аваад аквариумдаа хийж зулзагаа хооллоно. Манайд байдаг ч их ховор.

Tubifex Өт
Энэ өтийг "шалбаагны" "бохир усны" өт гэж нэрлэдэг.Төрөл бүрийн цэвэр усны загасыг хооллодог. Энэ өтыг загасыг үржүүлэх нөхцөлд мөн алтан загасыг хооллоход хэрэгтэй. Энэ өт нь бохир намагтай усанд сайн өсөж үрждэг учир эрүүл ахуй талаасаа үржүүлэх тохиромжгүй. Эхлээд загасаа хооллохоосоо өмнө зайлшгүй анхаарах зүйл бол сайтар угааж цэвэршүүлсэн байх хэрэгтэй. Мөн усыг нь 4 - 5 цагийн хооронд цэвэр усаар солиж байх хэрэгтэй ба ингэснээр өтны байж бохир нь арилж өнгө улаан болдог. Өтөө цэвэршүүлж загасаа 2 - 3 өдөр хооллох хэмжээтэй авах хэрэгтэй. Хөдөө энэ тэнд тогтсон шалбаагнаас түүдэг ба заримдаа загасны дэлгүүрээс авч болно.

Улаан өт 
Tubifex өттэй төстэй энэ өт нь дискус загасны хамгийн дуртай хоол. Заримдаа хөлдөөж савласан хэлбэрээр худалддаг. Энэ өт нь уурагаар маш баялаг. Дискусыг үүгээр хооллоход өнгө зүс нь сайжирж хурдан өсдөг.

Аквариумны хэмжээг сонгох

Та эхлээд аквариумаа байрлуулах тохиромжтой байрлалаа сонгох хэрэгтэй. Энэний тулд аквариумны цахилгаан хэрэгсэл залгах боломжтой, нарны шууд тусгал бага тусдаг хэсэг, өрөөны интерьерт нийцүүлэх зэргийг тооцож тохиромжтой байрлалыг сонгож бэлтгэнэ. Дараа нь шууд ойр байх загасны дэлгүүрээс том аквариум янз бүрийн загас ургамал худалдаж аваад байрлуулаад болно гэж бодогдож байж болох юм. Гэхдээ өмнө нь ямар төрлийн загаснууд хоорондоо таарж эвтэй амьдардаг, биеийн хэмжээ, амьдрах боломжтой усны температур, найрлага болон тоо ширхэг нь аквариумд хэд байвал зохих зэргийг тооцож үзсэний дараа худалдан авах хэрэгтэй.

1. Загасны төрөл. Алтан загас шиг том бөгөөд ус ихээр бохирдуулдаг загаснуудад том хэмжээтэй аквариум шаардлагатай. Шалтгаан нь том аквариумд ус амархан бохирдож усны чанар муудан  загас өвчлөх нь бага. Бас усаа байн байн солиод байхгүй, цэвэр байлгахад амар,  химийн найрлага нь огцом муудахгүй зэрэг талуудтай. Мөн загас том аквариумд сайн өсөж томордог. Гүппи шиг идэвхитэй үржилд ордог загаснуудыг амьд зулзгалдаг бусад загастай нь том, ургамал хөвд ихтэй аквариумд сайн хоолосон нөхцөл үржиж олширдог. Алтан загас Гүппи зэрэг намирсан урт сүүлтэй загасыг Барбс гэх мэтийн дээрэлэхчих гээд байдаг загастай цуг байлгавал сүүлийг нь зулгайж гэмтээдэг талтай. Дискус Angelfish шиг үзэсгэлэнтэй дөлгөөн тайван загаснуудыг хөдөлгөөнтэй болхи Aлтан загас гэх мэт загаснуудтай тэжээвэл зохимжгүй.
2.  Загасны хэмжээ. Таны загас хэр их өсөж томорох вэ? Жишээ нь неон гэх зэрэг жижиг загаснууд 2.5 см хүрдэг бол зарим том төрлийн Арована гэх зэрэг загаснууд 1 метр урттай болдог. Бие гүйцэхэд нь тохирох аквариумд нь тэжээх шаардлагатай болно.Тиймээс загасны өсөлт хөгжилтөнд таарах загасанд чөлөөтэй амьдрах нөхцөлийг бүрдүүлэх аквариум сонгож авах нь чухал. Цихлидийн төрлийн том загаснууд жижиг загастай байлгавал барьж идэх аюултай. 
3. Загасны тоо. Энэ тухай яг таг тавьсан нарийн судалгаа байхгүй ч загас тэжээгчдийн хувийн туршлагаар  жишээ нь 1 шоо дорволжинг 30 см аар тооцож 2м урттай 2 хос загасанд 12 шоо дөрвөлжин гэх зэрэгээр нүдэн баримжаагаар тооцож болно. Сүрэглэн амьдардаг загасыг олноор нь  өргөн аквариумд тэжээх хэрэгтэй. Харин хосолж амьдардаг загасыг дангаар нь дунд зэргийн аквариумд тэжээвэл дээр.

Zagas tejeeh 33 shildeg arga

1. Тэвчээртэй бай.
Хэрэв таны амьдрал 100 миль хурдтай байдаг бол загас тэжээх нь таны хобби биш. Загас тэжээх нь ашиг тустай бактерийг бий болгож бохирдолыг цэвэрлэж бүхэл экосистемийг бий болгож амжилтанд хүрэхэд тэвчээр шалгасан ажил юм. Шинэ аквариумд бага зэргийн үр дүнд хүрэхэд зургаан долоо хоног эсвэл түүнээс урт хугацаа шаардаж магадгүй. Түүнээс гадна усыг шалгаж үзэхэд таны аквариум нь загас урт хугацаагаар байхад аюултай байж болзошгүй ба та загас тэжээхийг яагаад эхэнд тавьж сонгосондоо ч эргэлзэж магадгүй юм.

Харин сайн мэдээ нь гэвэл та бүх зүйлийг зөв дарааллын дагуу хийх юм бол устай холбоотой асуудал дахиж гарахгүйгээр анх эхлэхдээ авч байсан загаснуудтайгаа байсаар байх болно.

2. Загасаа удаанаар бүрдүүл.

Энэ бол шийдвэрлэх мөч. Хэрэв та хэт олон загасыг хэтэрхий эрт нэг аквариумд хийх юм бол бүгд үхэж магадгүй. Шинэ аквариумын синдромтой тэмцэх хамгийн сайн арга бол эхний бодис эргэлт тогтворжих хүртэл хүлээх юм. Энэ нь таны фильтер дээр ашиг тустай бактерууд бий болж усан дахь бохирдолыг арилгаснаар таны аквариум бэлэн болно.

Энэ загасгүй үеийг та ус цэвэршүүлдэг бактерийг аквариумдаа хийж усыг илүү аюулгүй болгох хэрэгтэй. Загас хийх үед эдгээр бактер нь загасны ялгадасаар хооллож илүү хурдацтай өснө. Хэрэв нэг дор хэтэрхий их загас хийх юм бол ганц бактер ч биш шивтэр болон азотын түвшин огцом нэмэгдэж загасыг хордуулж эхэлдэг.

3. Хэтрүүлж хооллож болохгүй.

Аквариумын загасны хоол үйлдвэрлэгч нар өдөрт 3 удаа хооллохыг зөвлөдөг. Хэрэв та шинэ аквариуст бол үүнийг ихэнхдээ хэтрүүлдэг.  

Хэрэв та усны чанар эсвэл шинээр аквариум бэлдэж байгаа бол өдөрт нэг удаа хооллох нь зүйтэй. Хэдий аквариум дахь загасны тоо хангалтай эсвэл багаар өгч байгаа ч гэсэн хэдэн сараар хэтрүүлж хооллох нь асуудал дагуулж болзошгүй.

Хэдэн чимхийг өгөх вэ? Хоолны төрөл, хурууны чинь хэмжээнээс хамаарч хэмжээ нь өөр өөр байх тул сайн асуулт юм. Иймд худалдагчаас нь хэдий хэр хэмжээгээр өгөх тухай лавлаж асуу ингэснээр та өөрийн гэсэн ойлголттой болно.


4. Хэт олон загаснаас зайлхий.

Энэ түгээмэл байдаг алдаа юм. Ихэнх загасны дэлгүүрт маш олон загасыг нэг дор хийсэн байх нь элбэг, иймд яагаад би болохгүй гэж та бодож магадгүй. Хариулт нь хэтэрхий олон загас нэг дор байснаар загаснууд хүчилтөрөгчийг дутагдал, хангалтгүй шүүлтүүржүүлэлт зэргээс үүдсэн өвчин гарах магадлалтай юм.

Аквариум дахь загасны тоо ихдэх үед эзэмшил бүстэй загаснууд жишээ нь: циклидүүд улам түрэмгий болдог. Мөн загаснуудын өсөлт удааширч, сэрвээ болон хэвлийн сэлүүрүүдээ хумиж үзэмжгүй болно. Энэ үед цорын ганц зөв хариулт нь илүү аквариум байх болно.


5. Үзэмжээс илүү үйл ажиллагааг нь сонго.

Аквариумаа сонгохдоо тэгш өнцөгт стандарт хэлбэрийн аквариум сонго. Бөмбөлөг, зургаан өнцөгт, циллиндер хэлбэрт аквариум сайхан харагдаж болох ч тэдгээрт загас сэлэхэд тохиромжтой зай талбай байдаггүй. Түүнээс гадна тэгш өнцөгт аквариум дотор фильтер, халаагуур зэрэг тоног төхөөрөмжийг суурилуулахад хялбар ба таны загасанд илүү тохиромжтой байх болно.

Мөн аквариумын чимэглэл ч гэсэн чухал ач холбогдолтой. Ихэнх халуун орны загаснуудад зэрлэг байгалийн өнгөнд тохиромжтой. Жишээ нь: Бор, саарал, ногоон зэрэг зөөлөн өнгө. Хурц хөх өнгөтэй хайрга зарим зүйлийн соомыг түгшээх ба энэ загасны өнгө цайрах тэр ч бүүхэл түүнийг хараагүй болгох эрсдэлтэй. Цагаан хайрга ч мөн адил таны бүх загас цайвар болгодог. Иймд байгалийн өнгөтэй хайрга болон элсийг сонгосноор загаснуудаа та илүү тухтай байлгах болно.


6. Боломжтой бол аль болох том аквариум ав.

Хэрэв та гэртээ загастай болох гэж байгаа бол энэ маш чухал юм. Мөн та шинэ акварист бол аль болох том аквариум аваарай, товчоор бол 60 болон түүнээс дээш уртай аквариум гэсэн үг. Яагаад гэвэл том аквариумын ус нь чанарын хувьд жижиг аквариумынхаас илүү тогтвортой байх ба та илүү олон загас байлгаж болно. Ихэнх сүрэглэдэг загас бөөнөөрөө байх нь дээр байдаг ба хэдэн зуугаас сонгох боломжтой. Мөн том аквариумд та дэлгүүрт харснаас олон загас нэг дор байлгах боломжтой юм.

7. Сайн худалдагчийг ол.

Энэ магадгүй хамгийн чухал ч байж магадгүй юм. Сайн загасны дэлгүүр нь зөвхөн сайн багаж хэрэгсэл төдийгүй өөрийн чинь хайж буй сайн эрүүл загасыг өгөх бөгөөд хамгийн чухал нь тэд хамгийн сайн зөвлөгөөг өгнө. Сайн худалдагч нь таны аквариумын урт хугацааны үр дүнг чухалчлах бөгөөд тогтворгүй (өвчтэй, эсвэл тэжээхэд нарийн төвөгтэй)загасыг таньд худалдаалахгүй. Учир нь тэдгээр загас удалгүй эргээд ирж болзошгүй учраас тэд таны аквариумын талаар санаа тавих болно.

8. Авкаристуудын клубын гишүүнээр элс.

Магадгүй та энэ талаар огт бодож байгаагүй байх. Гэхдээ зарим клубын гишүүн болсноор та туршлагатай акваристаас хэрэгтэй зөвлөгөө авах эсвэл өөрийн сонирхдог загасны талаар илүү мэдээлэлтэй болох боломжтой юм.

9. Арчилахад амархан загаснаас эхэл.
Хэрэв та туршлагагүй акварист бол арчилахад төвөг бага, түрэмгий зангүй загасыг түрүүлж сонгох хэрэгтэй эс тэгвэл сүүлд та сэтгэл гонсойж магадгүй. Тэсвэр сайтай загас нь хооллоход хялбар байхаас гадна усны температур, шинж чанарын хэлбэлзэлд тэсвэртэй байдаг. Пецил, данио зэрэг нь удаан хугацааны туршилтаар зарим тохиолдолд алтан загаснаас илүү тэсвэртэй байсан ба түүгээр ч үл барам тэд үржиж байсан. Тэсвэр сайтай эдгээр загасыг удаан хугацаагаар тэжээснээр аквариумынхаа талаар илүү ойлголтой болж загасны худалдаачидтай загас солилцох хэрэв хүсвэл дискус болон Малави циклидээр ч аквариумаа баяжуулах боломжтой болно.

Хамгийн гол давуу тал нь тэсвэртэй загасыг тэжээх явцдаа та ус солих, хооллох зэрэг дадлага туршлагыг олж авах ба та энэ явцад зарим зүйлийг буруу хийсэн ч гэсэн тэдэнд ямар нэг ноцтой асуудал гарахгүй.

Харин дискусыг буруу усанд байлгасанаар та тэд хэрхэн цагаасаа өмнө явахын гэрч нь болж болзошгүй.

10. Арчилгаанд цаг гаргаж бай.

Аквариумууд сэтгэл татам сайхан харагдаж болно л доо, гэхдээ та санаа тавихгүй бол тэд зүгээр л замаг дүүрсэн намаг л болно. Иймээс сар бүр, долоо хоногт, өдөр бүр тодорхой хэмжээний арчилгаа хийх цаг гаргаж байх хэрэгтэй.

Өдөр бүр та тоног төхөөрөмжийн ажиллагаа, усны температур, аквариумын нүүрний шил цэвэр эсэх талаар санаа тавихад л болно энэнд ердөө хэдхэн секунд л зарцуулахад хангалттай.
Харин долоо хоног тутам аквариумын усны түвшинг нэмэх, хасах нүүрний шилийг арчих эсвэл бүр усныхаа багаахан хэсгийг солисон ч болно.

11. Тэмдэглэл хөтөл.

Аквариумынхаа усны тестын үр дүн, авсан загасныхаа талаар өдрийн тэмдэглэл өдөр бүх хөтөлж бай. Өдрийн тэмдэглэл нь тулгарч болзошгүй бэрхшээлийн талаар хэзээ, хэрхэн гэдгийг тодруулж өгөх болно. 
Хэрэв та загас үржүүлдэг бол тэдгээрийн түрс нь хэр удаан боловсорч төрц болох тэдгээрийг гарах үед усны хатуулгийн түвшин ямар байсныг тэмдэглэх боломжтой. Ингэж тэмдэглэснээр дараа удаа тэр зүйлийн загасыг үржүүлэх, өөр хэн нэгэнд зөвлөгөө өгөх үед тань хэрэг болох болно.


12. Аливаа зүйлд бэлэн бай.

Загас тэжээж байх үед аливаа зүйлд бэлэн байх шаардлагатай. Жишээ нь загасны шүүлтүүр тор ямар нэг шалтгаанаар хэдэн ч тооны загасыг зөөх үед чухал хэрэг болдог. 

Хэрэв та дулаан бүсийхэн тэжээдэг бол илүү халаагуур байх нь зүйтэй. Хэрэв таны амьдарч байгаа газар байнгын тог тасардаг бол батерейгаар ажилладаг агааржуулагчтай байх хэрэгтэй. Бид ихэнхдээ оройн цагаар загасны дэлгүүр хаасан үед загасаа хардаг иймд хангалттай хөлдөөсөн хоол, загасанд чинь цагаан толбо илэрсэн үед шаардлагатай эм зайлшгүй байх хэрэгтэй. Илүү загасны уут ч дэлгүүрээс загас зөөх үед хэрэгтэй. Полистерин зөөврийн хайрцаг ч загасыг богино хугацаагаар байлгахад хэрэг болно.
Ус солиход шаардлагатай илүү сав, загаснууд зодолдоход хэрэг болох тусгаарлагч ч хэрэг болдог.

Илүү аквариумыг ч гэсэн загасыг эмчилэх үед ашигладаг. Ер нь яадаг ч байсан таньд хангалтай хэрэгсэл байгаа эсэхэд итгэлтэй байгаарай. 

13. Өөртөө бодитой төсөв гаргаж бай.

Та 60 см-ын урттай дундаж аквариумыг авахыг хүссэн загастайгаа ойролцоогоор 60-80 мянган төгрөгөнд авч болно. Гэхдээ бүрэн чимэглэх, шаардлагатай тест, цэвэрлэгч фильтер, халаагуур зэргийг нэмэх юм бол зуун мянгаас ч давж мэднэ. Хэрэв та чимэглэлийн зориулалтаар өндөр-технологитой аквариум хүсэх юм бол үүнд: Нүүрстөрөгчийн агааржуулагч, цагаар хооллогч автомат зэрэг нь энгийн аквариумаас илүү үнэтэй байх болно. Иймд эдгээр авахаасаа өмнө дахин сайн бодож үзээрэй. Далайн загасны аквариум бол үүнээс хэдэн арав дахин үнэтэй болдог. Иймд аливаад бодитой хандаарай.

Хэрэв та том удаан насалдаг загас тэжээж байгаа тохиолдолд аквариумын тоног төхөөрөмж болон хооллох тооцоонд их зардал гарч болзошгүй. Мөн том биетэй нас гүйцсэн загасыг авах юм бол хоолны зардалын тооцоо нь жилийн туршид нэлээд их гарч болзошгүй.


Загас авах үед хэрэгтэй 5 зөвлөмж.


14. Заавал асууж бай.

Загас авахаасаа өмнө тэд таны аквариумд хэр тохирохыг бодож үзээрэй. Тэдний хамгийн том болох хэмжээ, шаардлагатай усны нөхцөл, хооллолт зэргийг нь судалж үзээрэй. Сэтгэл хөдлөлөөр битгий хандаж бай. Авчирсан загас чинь өөрт байгаа загастай зохицох эсэх тэрнээс гадна өөрийн төрөл дотроо ч таарах эсэхийг нь сайн бодоорой.


15. Эрүүл загас сонгож байгаарай.

Үүнийг суралцаж байж олж авдаг мэдлэг, иймд  өөртөө итгэлгүй үедээ туршлагатай акваристтай хамт яваарай. Зарим үед дэлгүүрүүд тэр бүр загасаа ажиглаж амждаггүй болохоор сайн ажиглаж цагаан толбо, бактерийн халдвар байгаа эсэхийг нь хараарай.

Загаснуудын өнгө тод, бүх сэлүүрээ дэлгэсэн байх ёстой ба хэрэв тэднийг цочроох үед бүгд үргэж хариу үйлдэл үзүүлэх ёстой. Идэвхитэй сэлж, байрлалаа байнга сольж бас идэвхитэй хоол хайж байгаа нь тэдний идэвхийг илтгэдэг. Худалдагчаас тэднийг хооллохыг ч гуйж болно шүү дээ. Үүний дараа л хүссэн загасаа түүнд зааж болно.

16. Машинаар зөөх үедээ.

Загасаа зөөх үед тэднийг авч явах сав маш чухал. Худалдагчид нь хэр хол явах талаараа хэлж тэдэнд шаардлагатай хүчилтөрөгчийг хийлгэх хэрэгтэй магадгүй тэд полистер хайрцаг ч санал болгож магадгүй. Эдгээр полистер хайрцагуудыг өдөр шөнийн аль ч цагт дэлхий даяар загасыг аюулгүй, дулаахан зөөхөд ашигладаг. Эсвэл хоосон хайрцаганд загастай уутай нь хий. Үүний дараа уг хайрцагаа скочны тусламжтайгаар хөдөлгөөнгүй бэхэл мөн доторхи загастай уутаа ч гэсэн холбирохгүй болгож бэхлэх хэрэгтэй.

Хэрэв танд полистерн хайрцаг байхгүй тохиолдолд энгийн кардон хайрцагт ууттай загасаа хийж болно. Үүний тулд уутныхаа амыг хайрцагныхаа дээд хэсэгт нь бэхэл тэгээд гэрэл нэвтэрч халаахааргүйгээр халхлах хэрэгтэй. Ямар ч тохиолдолд хайрцаг олдохгүй үед ууттай загасны тулгууртай аюулгүй газар тавих хэрэгтэй. Жишээлбэл: арын зорчигчын суудлын шалан дээр тавиад түүнийг өнхрүүлэхгүйн тулд урт талын сандалтай цуг бэхлэнэ. Аялалын туршид загасыг түгшээж болохгүй ба тэднийг ууттай нь харанхуй, харагдахааргүй газарт байлгах хэрэгтэй.

Хэрэв та загасаа даарч магадгүй гэж санаа зовж байвал үлээгчээ хамгийн бага дээр нь тавихад л хангалттай. Харин шууд үлээгчийн өмнө ууттай загасаа тавьж болохгүй учир нь усны температур огцом нэмэгдэж, хүчилтөрөгчийн дутагдалд орох болно. Мөн ууттай загасыг арын тээшний саванд хийж болохгүй учир нь замд тохиолдож болох донсолгоо болон доргилтоос загас үхэж болзошгүй.

17. Шууд гэртээ харь.

Энэ та бүхэнд ойлгомжтой байх гэвч дийлэнх хүмүүс одоо болтол загас зөөж явахдаа өөр зүйлсийг хийдэг. Полиэстир уутан дахь загасанд хүчилтөрөгчийн хэмжээ хязгаарлагдмал байхаас гадна эдгээр уутанд загасыг хийхээс мөчөөс эхлээд усыг бохирдуулж эхэлдэг.

Хэрэв та өөр төлөвлөгөөтэй бол загас авахаа хамгийн сүүлд нь хий эсвэл худалдагчид илүү том уутанд их агаартай хийхийг сануулах хэрэгтэй.

18. Дасга.

Нэгэнт та загасаа аваад гэртээ ирсэн бол түүнийг тайвширтал түр хүлээ. Гэрэл үзүүлэхгүйгээр зөөвөрлөж ирсэн бол түүнийг эхлээд гэрэлгүй нөхцөлөөс нь аажим гаргах хэрэгтэй эс тэгвэл аквариумын болон өрөөний гэрэлд тэр сохорч болзошгүй.

Гэрлээ унтраагаад уутаа онгойлголгүй аквариумын усанд хөвүүл. Хэрэв олон уут байгаа бол аквариумынхаа усыг гадагш асгарахаас сэргийлж усны түвшинг багасах хэрэгтэй. Ингэж уутыг хөвүүлэх явцад уутан дахь усны дулаан аквариумынхтай ижил болох бөгөөд үүнд ойролцоогоор 20 минут нь зарцуулдаг.

Уутыг онгойлгосны дараа аквариумын уснаас бага багаар хийж хэдэн минут хүлээх хэрэгтэй. Энэ нь усны найрлаганд загасыг аажмаар дасгах үйлдэл юм. Үүний дараа тороор загасыг авч аквариумд хий, ууттай нь тэр чигт нь хийвэл уутны ёроол дахь хог аквариумд орох болно.

Нэгэнт аквариумд загасыг хийсэн бол тэднийг сайн ажиглах хэрэгтэй. Гэрлээ асаахаас өмнө хагас цагийн турш тэднийг аквариумын бусад загас шоглох эсэхийг харах хэрэгтэй. Богино хугацаанд дагах бол хэвийн зүйл, харин хазах, дайрах зэрэг үйлдэл гарвал дайрч байгаа эсвэл шинээр авчирсан загасаа аквариумаас гаргах эсвэл тусгаарлагчаар салгах хэрэгтэй.

Шинээр авчирсан загасаа аквариумд хийгээд бага зэрэг хооллох нь тэдний түгшүүрийг багасгаж тайвшруулдаг. Бүх загасыг ч шинээр авчирсан байхад ингэх нь тэднийг тайвшруулж ижил түвшинд аваачиж нэг нэгнээ шоглохгүй болгож авкариумд дасгадаг. Заримдаа аквариумд байгаа чимэглэлийг өөрчлөх бол бүх загасыг шинэ ирсэн загастай адил шинэ орчинд дасгах шаардлагатай болгодог ингэснээр хуучин загаснууд шоглох нь бага байна гэсэн үг юм. Энэ нь эзэмшил бүстэй загаснуудад илүү үр дүнтэй. Жишээ нь: Малави циклид.

Тусгаарлах аквариумаас гаргаж ирсэн ч гэсэн дээрхи дарааллын дагуу хийх хэрэгтэй байдаг.

Тоног төхөөрөмжийн талаар өгөх 9 зөвлөмж.


19. Зөв зөвлөгөөгөө ав.

Хэрэв та энэ хоббиг эхлэх гэж байгаа бол анхнаас нь зөв зөвлөгөө авах хэрэгтэй.

Дахин сануулахад сайн загасны дэлгүүр олж бусад загас сонирхогчтой нөхөрсөг, хэрэгтэй зөвлөмжийг авч байх нь таны амжилтын түлхүүр байх болно. Энэ блогоор дамжуулж загас тэжээхэд шаардлагатай зөвлөмжийг хүргэж байх болно.

20. Чанартай хэрэгсэл авч бай.

Загас тэжээх нь урт хугацааны зүйл, иймд тоног төхөөрөмж, хэрэгсэлээ сайн чанартай фильтер, халаагуурыг сонгож авах хэрэгтэй. Хямдхан зүйлс нь богино хугацаанд эвдэрч болзошгүй харин энэ нь бүх зүйлсийг дуусгаж болзошгүйг санах хэрэгтэй. 

21. Үнийг нь судалж авч бай.

Дэлгүүрүүдийг сайн судалж, үнийг нь харьцуулж байх хэрэгтэй. Ингэснээр та хамгийн сайн худалдан авалтаа хийх болно. Зарим дэлгүүрүүд онлайн болон бусад хэлбэрээр үнээ санал болгож магадгүй юм гэхдээ үзүүлэнгийн аквариумаас сонгож аваагүй гэж гонсойх хэрэггүй тэдэнтэй ярилц зөвлөгөөг нь ав үүний дараа шийдвэрээ гаргаарай.

22. Жижгээс эхэл.

Энэ ихэвчилэн халаагуур хамаатай хэрэв та том, хүчтэй халаагууртай бол асаалттай үедээ гацах юм бол бүх загасыг чинь чаначихаж магадгүй. Тэгэхээр 2 жижиг халаагуур авч бай хэрэв нэг нь эвдрэх юм бол болзошгүй эрсдэлээс сэргийлэх боломжтой гэсэн үг юм. 

Үүнээс гадна урсгалыг тохируулах хэрэгтэй хэт хүчтэй урсгалд ихэнх загаснууд дасаагүй байдаг мөн тэрнээс гадна энэ нь зарим загасыг стрессд оруулж улмаар үхэлд ч хүргэж болзошгүй. Иймд тэдний байгаль дээрх нөхцөлийг судалж түүнд нь тохируулах хэрэгтэй. Мөн ихэнх лабринт загас петушок (betta), гурами зэрэг нь зөөлөн урсгалтай усанд амьдардаг ба загасны жарамгай ч мөн агаарын урсгалаар ажилладаг фильтертэй зөөлөн урсгалд байх тохиромжтой байдаг.

23. Томыг ав.

Энэ нь ихэнхдээ филтерд хамаатай байдаг. Аквариумын хэрэгсэл тус бүр нь түүнийг цэвэрлэх чухал үүрэгтэй байх ёстой. Филтерээ сонгохдоо аквариумын хэмжээнээс нэг дахин илүүг сонгож байх хэрэгтэй.

Заримдаа Циклид, эсвэл хэт их загастай аквариум эсвэл алтан загасанд ч гэсэн энэ хэмжээнээс илүү фильтер шаардлагатай болдог. Иймд хэрэв танд илүү нэг фильтер байгаад тэрнийгээ ашиглахыг хүсвэл тэднийг өөд өөдөөс нь харуулж байрлуулах хэрэгтэй. 

24. Цахилгааны хэрэглээгээ шалгаж бай.

Фильтерийн насосныхаа хүчин чадлыг тооцож боломжийн бага цахилгаан зарцуулалттайг авах хэрэгтэй. Мөн энэ халаагуурт ч бас хамаатай байдаг.

25. Хэрэгсэлийнхээ үйлчилгээг тогтмол хийж бай.

Фильтерийнхээ хоолой, сэнс, шүүгчийг тогтмол цэвэрлэж байхгүй бол аквариум амархан замагтдаг. Мөн фильтерийнхээ шүүр пролоныг байнга угаах юм бол анх байсан хэлбэрээ амархан алдаж улмаар урагдаж хэрэгцээгүй болох болно.

Мөн гэрлийн хаалтыг ч гэсэн тогтмол сайн цэвэрлэснээр гэрэл илүү сайн нэвтэрч аквариум илүү гэрэлтэй тод харагдах болно.

26. Хэт ярвигтай болгох хэрэггүй.

Та маш олон тоног төхөөрөмж чимэглэлтэй байж болох юм. Гэхдээ? Энэ бүхэн бүгд шаардлагатай гэж үү? Мэдээж фильтер, замаг арилгагч, тор гэх зэрэг нь чухал шаардлагатай ч бусад баттерейгаар ажилдаг агааржуулагч, нитрат цэвэршүүлэгч гээд өөр бусад хэрэгсэл яг үнэндээ шаардлагатай юу? Аль болох энгийн ашиглахуйц хэрэгсэлээр сольчихсон нь дээр биш үү?

27. Гэрэлтүүлэгийн цагийг тогтмолжуул

Энгийн хэрэгсэл загас сонирхогч бүрт хэрэгтэй. Гэрлийн байнгын тусгал нь бүх төрлийн замгийг хурдан ургуулах бөгөөд хэрэв таны гэрэл автомат асаагчтай байвал санаа зөвөх хэрэггүй зүгээр март.

Амьд ургамал нь тогвортой өдөр болон шөнийн гэрэлд зохицсон байдаг, иймд гэрэлтүүлэгийг хэмнэлийг тааруулах хэрэгтэй.

Гэрлийн хэмнэл нь өглөөний, үд дундын, үдшийн болон шөнийн гэсэн хэмнэлтэй байдаг учраас хөх гэрлийг үндсэн гэрлийн өмнө болон дараа нь асаах шаардлагатай.

Харин сүүлийн үед автомат тохируулагатай олон янзын гэрэл бий болсон.

Загасны эрүүл мэндийн талаар өгөх 6 зөвлөмж.


28. Усыг шалга.

Ихэнх өвчин усны чанартай холбоотой байдаг. Хэрэв өвчилсөн гэж бодож байвал юуны түрүүнд усыг шалгах хэрэгтэй. Огт нитрат болон аммиакгүй эсвэл бага зэргийн түвшинд байсан ч гэсэн загасанд стресс болон бусад хэлбэрийн өвчинг үүсгэж болзошгүй.

Усны хүчиллэг, хатууллагын түвшинг хэвийн хэмжээнд байгаа эсэхийг шалга. Усны хатуулгын өндөр түвшин нь аммиактай усыг илүү хортой болгодог, харин бага хэмжээний хатуулаг нь усыг илүү хүчиллэг болгодог.  Хэрэв эмчилгээний бэлдмэл хэрэглэсэн ч гэсэн загасны байдал дээрдэхгүй бол усны хатуулаг болон нитратын түвшинг хэвийн хэмжээнд оруулах шаардлагатай.

29. Тусгаарла.

Нийтийн аквариумд эмчилгээг хийх нь тохиромжтой газар биш юм. Ихэнх тохиолдолд та аквариумын бүх загасыг эмчилж халдвар тархахаас сэргийлэх хүсэлтэй байх гэвч ингэж болохгүй хэд хэдэн шалтгаан байдаг.

Нэгдүгээрт. Ургамал эсвэл чимэглэлийн мод нь эмийн бэлдмэлийг өөртөө шингээж эмчилгээний тун хэмжээг багасгадаг. Тэр ч бүүхэл аквариумын гэрэл хүртэл эмийн бэлдмэлийг задлах үйлчилгээтэй байдаг. Иймд загасаа тусгаарлах хэрэгтэй.

Тусгаарлах аквариум нь заавал том эсвэл гоёо байх албагүй. Тэр ердөө тогтвортой усны хатуулаг, хангалттай фильтертэй байхад л хангалттай. Янз бүрийн химийн бэлдмэл ашиглах хэрэггүй, хангалттай цэвэр байлгахын тулд агааржуулагч, эсвэл түүгээр ажилладаг фильтер байхад болно.

Нэмэлт агааржуулалт эмчилгээ хийж усны хүчилтөрөгчийн түвшинг нэмэх нь чухал мөн энгийн сав, хиймэл ургамалаар халхавч хийж болно. Тусгаарлах аквариум нь зайлшгүй тагтай байх ёстой эс тэгвэл эмийн үйлчлэлийн үед паразитаас үүдэн загас цочирч улмаар үсэрч болзошгүй.


30. Мэргэжлийн хүнээс зөвлөмж ав.

Хэрэв та тавьсан оношинд итгэлгүй байгаа бол мэргэжлийн хүнээс нэн даруй тусламж авах хэрэгтэй эс тэгвэл хэтэрхий оройтох болно.

Өвчилсөн загасныхаа зургыг авч худалдагчид үзүүлэх хэрэгтэй, эсвэл өвчилсөн загаснуудаас нэгийг авч очоод оношлуулах хэрэгтэй. Ингэснээр зөв эмийн бэлдмэлийг авч хэрэглэх боломжтой юм.

31. Эрүүл мэндийн талаарх ном унш.

Аквариумын загасанд олон төрлийн өвчин байдаг иймд зөв онош тавих нь чухал. Бактерийн халдвар нь паразитын эмчилгээгээр эмчлэгдэхгүй байж ч болно эсвэл эсрэгээрээ ч байж болно, иймд зураг, зөвлөмж бүхий сайн ном маш чухал байдаг.

32. Эмчилгээний бэлдмэлийг болгоомжтой хэрэглэ.

Эмийн бэлдмэлийг зүгээр нэг амархан аваад хэрэглэчихээр зүйлээр хийгээгүй. Тэдгээрийн ихэнх нь аюултай үү үүсгэдэг химийн бодисоор хийгдсэн байдаг иймд хэрэглэх үедээ латекс бээлий хэрэглэж арьсаа хамгаалах хэрэгтэй. Хэрэв та формальдегид эсвэл ногоолин (C₂₃H₂₅ClN₂) ашиглаж байгаа бол хамгаалагч шил, амны хаалт хоёрыг хэрэглэсэн нь зүйтэй.

Мөн эдгээр эмийн бэлдмэлийг хүүхэд хүрэхээргүй газар хадгалах шаардлагатай. Мөн эмийг хослуулж хэрэглэж байгаа бол мэргэжлийн хүнээс зөвлөгөө ав. Тун хэмжээг хэтрүүлэх юм бол хүндээр өвчилсөн загаснууд үхэж болзошгүй иймд эмийн бэлдмэл хэрэглэх усныхаа хэмжээг зөв тогтоох шаардлагатай. Ашиглах зааврыг анхааралтай уншиж үйлдвэрлэгчийн зөвлөсөний дагуу тун хэмжээг нь нэмж тааруулж хэрэглэх нь чухал.

Зэсийн нэгдэлтэй эмийн бэлдмэлийг загас эмчлэхэд ашиглах гэж байгаа бол болгоомжтой байх хэрэгтэй. Зарим нэг төрлийн соом (Elephantnose), хутган загас (Black ghost knifefish)болон зарим төрлийн мөгөөрст загас (stingrays) үүнд маш мэдрэг байдаг.

Мөн далайн зарим загас (mandarins, Harlequin tuskfish) болон сам хорхой, дун зэсийн бэлдмэлээс болж гэмтэх эсвэл бүр үхэж ч болох аюултай. Гэхдээ зарим тохиолдолд зэсийн нэгдэлтэй бэлдмэлийг паразитын эсрэг өргөн ашигладаг.


33. Өвчнөөс урьдчилан сэргийлж болно!

Хэрэв эвдрээгүй бол битгий засаж бай. Энэ хэлц үг амьдралийн ихэнх зүйлс дээр тохирох байх гэвч акваристын хувьд бол асуудал гарахаас нь өмнө урьдчилан сэргийлэх нь илүү тустай байх болно. Гуппи юм уу Толбот гурамийг жишээ болгож авъя. Тэд сульдаж доройтох үедээ өвчинд өртөмхий байдаг, иймд тэдгээрийг нийтийн аквариумд өөр зүйлийн загаснуудтай хольж хийвэл тэд зарим нэг зүйлсийг тодорхойлоход тус дөхөм болно. Тэгэхээр тэднийг нийтийн аквариумд хийхээс өмнө тусгаарлаж, эмчилж, ажигласнаар ирээдүйд учирч болох эрсдэлээс хамгаалах болно. Урьдчилан сэргийлэх зорилгоор байнга эмийн бэлдмэл хэрэглэхээс зайлсхий эс тэгвэл паразитууд нь илүү эмэнд тэсвэртэй болж дараагийн удаа эмийн бэлдмэл хэрэглэхэд үр дүн багатай болж болзошгүй.

Сонин аквариум

Хүн болгон л нэгэн хэвийн дөрвөлжин, бөөрөнхий хэлбэртэй аквариум харсаар байгаад нэг их сонин биш болчихсон байх тийм учраас би сонин содон аквариумыг танилцуульяа.  Do not forget to leave comments. Enjoy